獨家直擊!34歲賴慰玲萬能師奶真身 戲內霸氣逼人戲外即變賢內助

《反黑路人甲》演活黑幫大家姐的賴慰玲,現實中的卻是個不折不扣的師奶仔,婚後樂做廿四孝人妻人母,收工即撲返家湊仔做家務,做阿四毫不介意!日前,賴慰玲又萬能師奶上身,在家中露台忙於執拾,一個人踎低抹地清潔非常熟手,完全不用身旁的舞台劇演員老公梁子峰操勞,賢妻良母先係「霸氣大小姐」真身!

撰文、圖片:東方新地

賴慰玲湊仔家務一腳踢

對於時下職業女性乜都倚賴工人,賴慰玲卻享受做家頭細務不假手他人,更不介意工作同時兼顧家務,名副其實入得廚房出得廳堂,囝囝梁進也出世時,賴慰玲亦只用陪月一個月,後來才請工人姐姐幫手,不過湊仔打理頭家全部親力親為。據知情者透露:「好多女人都好怕做家務,莫講話要兼顧工作,但Winki睇法就好唔同,佢覺得呢個係女人天職,同老公分工合作都係夫妻生活嘅情趣!佢老公就好鍾意下廚,所以煮飯會交畀老公負責,Winki就負責做家務!」${3}
原文: